Eksamen i grunnskulen våren 2020 er avlyst

Regjeringa har no avlyst både skriftleg og munnleg eksamen for grunnskulen våren 2020. Det betyr at det ikkje vert eksamen for 10. trinn i år. Dei vil få godkjent vitnemål sjølv om eksamen vert avlyst, og dette vil ikkje ha noko å seie for inntaket til vidaregåande opplæring. Skulen skal no prioritere å sikre at alle får standpunktkarakterar fram til sommaren. For at lærarane skal få eit godt nok grunnlag til å setje karakterar i alle fag, er det viktig at elevane våre deltek i undervisninga som blir gitt, og at dei får levert oppgåver til vurdering.