Det heile byrjar med Kvartetten i Kvalutsalet. Kvartetten er det lokale mannskoret som har sitt reportoar trygt forankra i Bedehuskulturen. Ein kan vanskeleg snakke om kystkultur utan på kome inn på bedehusa og deira rolle i lokalsamfunna oppover kysten. Kvartetten held ein minikonsert ved Kvalutsalet, der du kan handle deg eit stykke kvalkjøt frå den lokale kvalskuta Olavsson. Neste stopp er den nye Pernillekafeen. Der vert det ein minikonsert med gitar og tverrfløyte. Som tidlegare år vert det mogeleg å få kome opp i Trafikksentralen. I gymsalen på Fedje skule vert ei krigsminneutstilling med vekt på U-864. Historia om ubåten har prega mediebilete dei siste åra. Fedje Event Management arrangerer familieshow med tryllekunstnaren Andini, og allsang med Rune Larsen, i Fedje fleirbrukshall. Kyrkja held open dag slik at dei som ønskjer det kan få kome inn og sett den. På ettermiddagen vert det tradisjonell basar på Bedehuset med åresal og flotte gevinstar. - Basar på Bedehuset er levande norsk Kystkultur på sitt mest tradisjonsrike, meiner kultursekretærJan Torry Sande i Fedje kommune.

Går det an å få seg noko og ete og drikke? Pernillekafeen og Holmen Cafe er tilbod for svoltne og tørste. For dei som ønskjer å organisere seg sjølv er Fedje handel midt i smørauget.

Etter eit vedtak i komitè for oppvekst- og omsorg i vinter byrja kultursekretæren å jobbe med ei endring av Fedje kommune sitt bidrag til Kystsogevekne. Grunntanken i endringane var å snu utviklinga frå ein Torgdag der seljarar kom til øya for å selje sine produkt, til eit arrangement der Reiseliv og Næringsliv på Fedje får ein sjanse til å vise seg fram for folk som kjem hit.

- Første steg var å kvitte seg med namnet Torgdag, seier kultursekretæren. Fedje kommune arbeider ut i frå ein heilt anna ide i år. Det vert ikkje det tradisjonelle torgområdet med sal frå buer. - Vi vil lokke tilreisande, og fastbuande, til å oppleve Fedje gjennom å vandre frå stad til stad og få med seg kulturelle drypp, seier kultursekretær Jan Torry Sande. Spørsmål om arrangementet kan sendast til jan.torry.sande@fedje.kommune.no , eller de kan ta kontakt med kommunen på tlf. 56165110 (91348475)